XIRHAMBO XO LANGHIWA KA VAYIMELA-KU-LANGHWA LAVA NGA TA TIRHA EHANSI KA KHANSELE YA RIXAKA YA MINTIRHO YA MAHUNGU NA TILAYIBURARI, , 1 HUKURI 2006 KU FIKELA 31 NHLANGULA 2009
Swirho swa xiyenge xa mintirho ya mahungu na tilayiburari na swinwana swiyenge leswi nga na ku tsakela swa rhambiwa ku hlawula vayimela-ku-langhwa lava nga ta tlakusiwa ku tirha eka Khansele ya Rixaka ya Mintirho ya Mahungu na Tilayiburari (NCLIS) hi ku ya hi Nawu wa Khansele ya Rixaka ya Mintirho ya Mahungu na Tilayiburari, 2001 ( Nawu No. 6 wa 2001) ku sukela siku ra 1 Hukuri 2006 ku fikela 31 Nhlangula 2009.
Xikongomelo xa Khansele i ku tsundzuxa Holobye wa Vutshila na Mfuwo na Holobye wa Dyondzo eka timhaka leti yelanaka na Mintirho ya Mahungu na Tilayiburari (LIS) ku endlela ku seketela na ku hlohletela mahanyelo na ekhonomi, dyondzo, mfuwo, vutiolori, ndzavisiso wa swa sayense, thekinoloji na nhluvukiso wa mahungu eka vaaki hinkwavo etikweni;na (b) na ku nyika mfikelelo wa mahungu eka munhu un?wana na un?wana hi ndlela leyi pfunaka. Mintirho ya Khansele yi katsa, eka swinwana, ku tsundzuxa na ku tivisa Vaholobye hi nhluvukiso na vuhlanganisi bya mintirho ya mahungu na tilayiburari etikweni.
Valanghiwa va fanele va yimela vakhumbheki lava va nga varhangeri eka swivandla swa vona, va tlhela va va na vutivi byo enta eka timhaka ta mintirho ya tilayiburari na mahungu na swiyenge swa dyondzo. Hi ku kongomisa va fanele va va na vutivi lebyi yelanaka na nawu wa (LIS), mafambiselo na timhaka ta timali ta tilayiburari, ku letela vatirhi va (LIS) literesi na ICT ku tlakusa (LIS) leyi yi pfunaka.
Munhu u?nwana na u?nwana loyi a navelaka ku langha munhu ku tirha eka Khansele u fanele a tata a fomo ya ximfumo yo langha a tlhela a yi rhumela eka Ndzawulo ya Vutshila na Mfuwo. Siku ro pfala ro langha i 31 Mhawuri 2005.
Fomo yo langha yi fanele yi va na leswi landzelaka leswaku yi ta tekeriwa enhlokweni:
Papila leri nyikaka mavito hinkwawo na vuxokoxoko bya vutihlanganisi bya mulanghi, ku hlamusela ku va mulanghiwa a fanerile ku langhiwa ku ya hi swilaveko leswi nga xaxametiwa laha henhla, na mavito na vuxokoxoko bya vutihlanganisi bya vanhu vanharhu va mulanghiwa.
Mpfumelelo wo tsariwa hi mulanghiwa ku va a langhiwa.
CV yo koma ya mulanghiwa, leyi nyikaka mahungu hi mulanghiwa ehansi ka tinhlokomhaka leti landzelaka:
a Xifundzho na mavito lama hetisekeke b Nomboro ya ID
c Vuakatiko d Vuxokoxoko byo tihlanganisa lebyi hetisekeke e Xiyimo na vito ra muthori f Swibhumabhumelo swa dyondzo g Ntokoto wo yelana h Vuswikoti i Vuxirho bya minhlangano, Tihuvo, sw. n. sw. lebyi hundzeke ni bya nkarhi wa sweswi j Rimbewu k Rixaka
Tsundzuka leswaku lexi a hi xinavetiso xa ntirho.Tihakelo ta swirho swa Khansele ti ta katsa ntsena tihakelo ta tendzo na swakudya loko va nghenela tinhlengeletano kambirhi hi lembe (ePitori na tinwana tisenthara).
Fomo yo langha ya ximfumo, na khopi ya Nawu ya Khansele ya Rixaka ya Mintirho ya Mahungu na Tilayiburari wa 2001, ya kumeka eka -
Ndzawulo ya Vutshila na Mfuwo
Riq. 323-5300 X254
Fekisi: 323-5287
